Es wird Zeit für Schweizer Musik =)

[Reginleif]

eluveitie isch minere meinig na die beschti schwiizer band

metalcore und so folk passt gar nid zämme minere meinig noch :O

abinchova falle mr no ih^^

[Scaramush]

eluveitie isch minere meinig na die beschti schwiizer band

I han letschtens erfahre, dass dä Chrigel Glanzmann bi när kollegin vu mir i d'Hundeschuel goht und er scho paar mal mit sinere ganze Family cho isch. Und sie hät natürlich erst später mal gcheckt wieso er die ganz Ziit im Eluveitie-T-Shirt umerennt

[jerry_can]

Gruetzi,
exgüsi wönni hier nööd parfekts Schwyzerdüütsch schriiebe chaa, i bün Düütscher abr i bemüeh mi.

Die einzigschti Schwyzer Musiker wo i chenn isch de Stephan Eicher und Gotthard
Stephan Eicher - Les Filles Du Limmatquai (original version 1983) - YouTube
Gotthard - Mountain mama - YouTube

[Scaramush]

Gruetzi,
exgüsi wönni hier nööd parfekts Schwyzerdüütsch schriiebe chaa, i bün Düütscher abr i bemüeh mi.

Die einzigschti Schwyzer Musiker wo i chenn isch de Stephan Eicher und Gotthard
Stephan Eicher - Les Filles Du Limmatquai (original version 1983) - YouTube
Gotthard - Mountain mama - YouTube

Gotthard isch immer guet. Und Schwiizerdüütsch schriibe isch sowieso immer chli närvig, also fallts nöd uf

[jerry_can]

Mir isch no eh gueter schwyzer Musiker igehfall: Lacrimosa
Lacrimosa - Feuer 02.06.2010 - YouTube

Hönd ihr khei Büecher i Schwyzerdüütsch?

[LuzifersPilze]

Schwizermusig isch zum furtrenne.

[Scaramush]

Schwizermusig isch zum furtrenne.

Isch Asichtssach.

[LuzifersPilze]

I ha mi girrt. Stiller Has cha öppis.

[x3_diffrent]

Sens Unik, spontan live gseh, total überzüügt, au wens eigentlich nid soo mini musik isch

Remady, au er, eigentlich nid soo mini musik, aber glich toll so zwüschäd dure

seven, ein vo dä bestä, vorallem sin stil überzügd voll und ganz, irgendwie gar nid so schwiizerisch-typisch

[-Farblos-]

Gimma (wir Bündner halten zusammen xD)
Mensch sii:
Gimma mit Carlos Leal & Lou Zarra - Mensch si (HD) - YouTube

Iisziit:
Gimma - Iisziit (OfficialMusicVideo) - YouTube

Wiagaliad:
Gimma - Wiagaliad - YouTube



Baschi:
Es regnet Gold:
Baschi - Es rägnet Gold - YouTube

[moondreamer]

auso i ha mau sone phase gha, i gloub so vor 2 jahr oder so, woni nume ha mundart glost (i ha aui cds ka, da die mundart dinger ;P) und denn bini wük vou fan gsi (ussert baschi und gotthard hani aues glost^^).
aber iz muesi säge dasis eif nume pindlech finde. aso i stah iz eher so uf d bärnersänger, so à la Züri West, Kutti MC, Steff La Cheffe und Lunik. Wasi o toll finde si Lo&Leduc, ds Hip-Hop Duo us Bärn
I finde Bärnerrap sit nöiem drum extrem toll
Iroas isch o kuul, de geit bi üs id schueu und macht äbefaus hip-hop uf bärndütsch -->

Iroas - Usblick feat. Roumee - YouTube

Ah und denn isch natürlech no dä: http://www.youtube.com/watch?v=fayU3N35nsQ$

Sit i de z erscht mau ha gse bini vrliebt i dä mönsch ;P nei spass, er isch eifach dr bescht und sini musig isch wunderbar
er isch extrem sympatisch und so lieb, am konzert hets so gfägt
wöu i mis haube läbe ir weschtschwitz vrbringe, findine no grad einisch viu sympatischer und i merke grad dasi gar nüm cha ufhöre schwärme :P

ja... Gimma isch ono guet, und ner no Stiller Has, aber de hani eher früecher glost, iz hani lieber Patent Ochsner

http://www.youtube.com/watch?v=7ZHZPURVAUM

Oke sorry, no eine wo eifach super isch: dr stress (o e weschtschwizer, drum het er o so viu sympatie vo mir brcho^^)
Und dadrzue mues i ono Sens Unik tue, wöu ds si o westschwizer, und wi dr äue heit gmerkt, stani uf westschwizer ;P
Drum tueni o no dr Stefan Eicher drzue (obwou er us bern chunt und nume französisch singt ^^), sis einte Lied "Les filles de Limmatquai" findi guet

http://www.youtube.com/watch?v=HpjV3QRGyn0

ds isch no dr stress feat. Noah Veraguth - Elle (vom nöie aubum Renaisance II)
http://www.youtube.com/watch?v=tFBtf9jXZAg

Ah ja und no eine: E seeländerband mit kuule frisure: http://www.youtube.com/watch?v=69ZurVfND98

lg us dr houptstadt xP

[moondreamer]

Chani nume zuestimme. <3*

Lose süscht no seeehr gärn d'Lieder vo Stress, Wurzel 5, 6er Gascho, Breitbild, Brandhärd, Churchill...
Ja, eifach Schwiizer Rap im allgemeine.

findi guet, ds si ono es paar woni ha vrgässe uftszeue^^
wurzel 5, 6er Gascho und Churchill si kuul

[moondreamer]

ahh i ha no einisch öppis, tomazobi und James Gruntz findi u guet

[moondreamer]

larry F
äifach nor n traummaah
abr äu sini musigg, unbeschriblech toll.

Jaaa de kenni!! Sorry, het mi grad widr a früecher erinneret^^

ufojugend, ds hani ufwärts und abwärts glost ;P

er isch schono schön... eifach chli e player xD sini brüue isch drfür toll ^_^